宏達電


個人分享
Tagged With: , , , , , , , , ,

「安卓」

全世界最多人用嘅手機作業系統除咗蘋果之外就係安卓系統,基本上除咗蘋果嘅智能手機之外,其他手機嘅牌子幾乎都係用緊安卓嘅手機系統。當然谷歌自己本身都有智能手機,但係如果講普及嘅程度就一定唔及三星。谷歌自己本身最強嘅就一定係軟件方面,以至於硬件嘅話,其實之前佢哋已經收購過摩托羅拉,不過之後就賣咗俾聯想。今次再一次收購宏達電嘅手機研發部門。

「收購」

今次谷歌收購宏達電,其實目的都好明顯。當然谷歌唔係在乎智能手機嘅硬件業務,而今次嘅收購其實都只係手機研發部門。當然未有三星之前,好多人都會用宏達電嘅電話,而佢哋亦都算係最早期提供安卓作業系統嘅智能電話。不過因為競爭越嚟越激烈,導致業務不斷下降,原本嘅優勢逐漸失去。就算佢哋係行業嘅先鋒,但係亦都抵受唔到後來居上嘅競爭者。

「宏達」

其實早喺二零一零年,谷歌以網路,軟體公司角色,推出首款自家品牌智慧手機。當時宏達電就係重要嘅設計,研發同製造嘅夥伴。直至今年谷歌即將係十月推出新機智慧手機,而今次亦都係由宏達電設計,研發同製造。當然係谷歌嘅角度,如果佢哋更加可以掌握硬件嘅話,對佢哋嘅業務係有百利而無一害。彭博資訊報導則指出,一旦擁有手機製造商,谷歌就能進一步掌控其新款手機和其他裝置,有助提高銷售亦都增強與蘋果嘅競爭能力。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]