影響力


個人分享
Tagged With: , , , , , , , , ,

「罵戰」

而家動不動就掀起網上嘅罵戰,不論政治又好,事時又好,甚至連廣告都出事。個社會真係乜都可以鬧一餐,因為隨時隨地都可以係網上面發表言論。當然每個人都有佢哋觀點與角度,甚至乎有佢哋嘅言論自由。只係有時覺得有啲嘢真係為鬧而鬧,都唔知為乜!網絡世界就係咁,簡簡單單批評吓,挑剔吓,有咗名氣就可以好容易影響其他人!所以係網上面都真係要小心啲講嘢!

「影響」

一個月餅廣告搞到滿城風雨,一個藍色燈籠掀起罵戰。網上面嘅影響力真係不容忽視,尤其係網上有名氣嘅人。雖然嚟兩日都無時間同心機去睇發生乜嘢事,但係其實大家有無必要咁執著呢?設計就係咁,你鍾意就鍾意,唔鍾意就唔鍾意,雖然真係有值得討論嘅地方。但係好多人都走出嚟抽水,到底係為咗啲乜嘢?如果將嚟啲影響力用係一啲正確嘅地方,其實係唔係更加好呢?

「責任」

真係唔好睇少網上面嘅言論嘅影響力,而家網上欺凌嘅事件係有嚴重化嘅趨勢。有時真係要好好諗下點樣善用自己嘅影響力,因為能力愈大,責任越大係真嘅!唔係講完之後刪除咗就當無事,好多時其實已經覆水難收。作為一個網民,其實自己係有責任去了解資訊嘅來源,唔好麻木跟風,應該理性去討論。有時跟車太貼未必係一件好事,因為有時好多嘢都真係好難講。


Also published on Medium.

Comments are closed.