不如意


個人分享
Tagged With: , , , , , , , , ,

「面對」

其實唔知係唔係自己係度逃避緊,刻意唔去諗,好似唔係好想面對。話就話有心理準備,但係真係太過突然。個人真係有少少一片空白,除咗必須要做嘅嘢之外其實真係想自己一個靜下。今年真係有太多阻滯,去到一個點真係想問幾時先至會回覆正常。雖然日日都同自己講,過咗今日聽日會好啲,但係可唔可以俾我抖一抖。可唔可以俾一啲曙光我呢?就算幾正面都好,都總會有負面嘅時候。

「明天」

今日真係唔知寫啲乜嘢好,因為真係攰到一個點乜都唔想諗,唔想理。而家只係希望所有嘢可以快啲搞掂,唔好再有啲如意嘅嘢發生,最好就當然想快啲回復正常,因為衰咗成年。有時都真係唔到你唔信,運氣差到一個點連自己都覺得灰,每日只可以期望明天會更好。最慘嘅係一波未平一波又起,日日淨係諗點樣解決問題都已經用晒所有精力。希望好快可以見到雨後彩虹!

「信念」

當然人生就係咁,無可能事事順境,但係逆境咗成年就真係未試過!有時真係低處未算低,希望依家真係到谷底,就算自己幾想正面對待都好,總會有去到頂唔順嘅一日。不過如果自己都唔不斷作出調整,其實係無人可以幫到自己。而家只可以順其自然,正所謂命裡有時終須有,命裡無時莫強求。繼續做應該做嘅,繼續相信明天會更好。更難過嘅都需要過。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]