談介面


個人分享
Tagged With: , , , , , , , , ,

「介面」

點樣設計一個用戶介面其實係一門學問,易唔易用,好唔好用其實會直接影響用戶體驗。好多公司其實都忽略咗自己產品嘅介面,尤其係現今嘅市場好多嘢都已經數碼化。用戶介面係一個媒體,透過使用者同介面嘅互動去達成某啲目的。就算產品有幾強大,無一個介面去連接使用者,其實就好似一把刀未開封咁,無咗佢原本嘅用途。所以一個好嘅介面係好緊要。

「設計」

好多人都低估咗用戶介面嘅重要性,就好似網頁設計,其實係用戶介面嘅一種。所以設計介面係一種專門嘅行業,而且有好多理論同學問。不過有幾多人真係了解用戶介面嘅真諦?要設計一個好嘅介面,其實係要從用戶嘅角度出發,因為最後嘅使用者係佢哋。有好嘅介面先至有好嘅體驗,所以用戶介面同用戶體驗通常都會撈埋一齊講,只不過實質上係兩回事!

「用戶」

當然一個好嘅用戶介面嘅係好睇個設計靚唔靚,因為嚟個係觀感嘅問題。介面設計包含好多元素,例如字體,字體大少,字體顏色,介面顏色,介面排版,等等。好嘅介面係要用最短時間去令用戶達成目的,如果用戶感到有障礙,其實就已經係一個失敗嘅設計。當然因為牽涉到個人感觀嘅問題,所以係無可能百分百去取悅所有人。要知道用戶嘅問題,其實係可以通過收集數據去了解問題嘅所在。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]