喬布斯

「產品」

相信好多人都討論緊蘋果嘅產品發佈會,而大家嘅焦點一定係第十代嘅蘋果手機。當然第八代只係七代嘅升級版,咁到底會唔會有第九代?定係之後直接叫第十一代?不論係點,其實都只係一個名者!而其實最吸引我嘅目光係蘋果個新嘅大樓,因為嚟個係喬布斯生前嘅另一個項目,亦因為蘋果手機推出市場嘅第十個年頭,所以個發佈會係新嘅喬布斯劇場面世係有雙重意思!

「改變」

一部智能電話改變咗我哋嘅世界,喬布斯十年前係蘋果嘅發佈會入面推出第一代嘅智能電話。短短十年,因為一部智能電話嘅誕生,改變咗全世界嘅生活習慣。雖然而家大家都覺得擁有一部智能電話係好平常嘅事,但係十年前又有幾多人批評過當時喬布斯手中嘅智能電話?或者今次新機發佈會對好多人嚟講無乜驚喜,又或者大家覺得仍然消費緊喬布斯,但係大家或者忽略咗喬布斯係嘅心目中嘅地位!

「核心」

好多人都會話無咗喬布斯嘅蘋果就好似失去咗佢嘅靈魂!當然佢擔任行政總裁嘅時候,作風一定唔同,更何況佢係創辦人。其實喬布斯嘅理念已經滲透蘋果整間公司,就算已經離開咗大家咁多年,但係蘋果嘅核心價值同思想依然無變!就正如發佈會最後出現喬布斯嘅一番話「我始終相信,創造一些美妙的東西,並展現給世人,也是其中一種對世人表達感激之情的方法。」


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]