落廣告


個人分享
Tagged With: , , , , , , , , ,

「廣告」

而家係網上面落廣告真係五花八門,而且種類多到數唔晒!加上唔同平台同針對性嘅廣告,要有效咁係唔同地方投放廣告真係唔係一件易事。除此之外仲有啲公司產品透過收集用戶嘅行為,然後得知用戶喜好再派送一啲同用戶嘅嘢。其實睇返幾間大公司,主要嘅收入來源都係來自廣告,所以啲廣告真係只會有增無減。而對用家嚟講其實係一件好苦惱嘅事!

「討厭」

你有無曾經試過去完某啲網站之後,有啲廣告好似隻鬼咁,跟實你,死都唔放。你除咗覺得討厭之外,相信你會係度諗點解啲某啲品牌嘅廣告不斷出現。其實嚟種係一種投放廣告嘅技術,係根據你睇過嘅網站或者產品之後,你嘅瀏覽器記錄咗你啲資料,然後通過廣告平台將相關嘅廣告配送俾你。當然處理得唔好嘅就會令人反感,不過有時有啲就會吸引到你,最後因為嗰啲廣告而幫襯咗佢!

「策略」

雖然話有時啲廣告真係幾乞人憎,但係問題係在於落廣告嘅方法,同埋廣告嘅內容。當然聰明嘅網上營銷係唔會死推啲廣告,要係識合嘅時間做識合嘅嘢。嚟個年代真係要諗清楚落廣告嘅策略,如果唔係真係揼錢落鹹水海,喊都無謂。當然市場上面有做得好嘅公司,不過絕大部分都只係靠廣告公司去管理,到最後結果當然可以預計到。有時真係要落手落腳做先至會知道內裏乾坤!


Also published on Medium.

Comments are closed.