標題黨


個人分享
Tagged With: , , , , , , , , ,

「標題」

相信好多人都曾經試過係網上面睇到一啲好吸引嘅標題,然後好自然就會㩒入去睇篇文。點知入咗去就發現中咗伏,根本同標題講嘅嘢係兩回事。當然而家係網上面有好多內容農場,佢哋一般都會用標題去吸引你去㩒入篇文章,目的係製造人流。人流多嘅話,廣告費就會相對提升。不過內容質素就不值一提,所以係網上面睇任何嘢都要睇清楚篇文嘅出處,因為啲標題有時真係幾過份!

「扭曲」

而家啲媒體為咗吸引讀者可以去到幾盡?當然首先就係要有一條吸引眼睛嘅標題,但係標題還標題,好多時同內容毫無關係,甚至乎內容嘅可信性極低。只不過如果為咗吸引目光,為求目的而去扭曲事件,用一個無道德可言嘅標題去吸引目光嘅話,其實嚟個歪風真係唔值得去鼓勵。理解媒體有訪問量同流量嘅壓力,只不過靠一啲歪曲事實嘅標題去吸引讀者嘅話就真係有啲過份!

「傳媒」

如果一間傳媒為咗吸引讀者而用一啲嘩眾取寵嘅標題,其實係可以理解。只不過如果將事件完全扭曲,甚至乎與事實不符嘅時侯,究竟傳媒嘅道德底線去咗邊?有時睇到嚟啲編輯手法真係覺得好過份,真係為咗做新聞而做,因為標題同內容都好失實。有時真係唔好只係相信單一媒體嘅報導,要知道事件嘅來龍去脈真係要睇多幾,如果唔係真係好容易俾佢哋誤導咗。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]