做先講

「數據」

數據分析唔淨只係分析咁簡單,當然首先要了解公司嘅需要,因為好多時都要知道要係邊度收集數據。但係通常問題嘅源頭都係由收集開始,因為如果一開始收集返嚟嘅數據都已經有問題,基本上之後做乜嘢嘅分析都無用。而且好多公司一開始都唔想改變,好多數據基本上有等於無,就算口講話想做好啲分析,只不過又唔肯去做。如果而家依然仲係齋講嘅話,基本上慢慢就會俾人淘汰。

「醒覺」

其實數據無話多與少,只係分有用定無用。有時唔分析過又未必知有無用,所以唔駛諗太多,做咗先講。有時真係好怕一啲做到天一半地一半嘅公司,就算幫佢哋執返靚啲數據,做好晒啲分析,講解埋份報告,但係到最後聽完就算。咁不如真係唔好做啦,堅係嘥心機捱眼瞓。講就話想用數據去做多啲嘢同做好啲嘢,點知到最後都係還原基本步。真係唔知佢哋幾時先至醒覺。

「落後」

啱啱返嚟香港其實就已經知道係數據分析嚟個行業有幾落後。以前都只係覺得落後三至五年,依家真係分分鐘落後十年以上。當然每間公司都要跑數,所以無辦法,始終都要向現實低頭。只不過繼續追求短線嘅業務而唔作出長遠嘅改變,到頭來都只會繼續萎縮。要轉型唔係一朝一夕嘅事,唔投資又點會有回報,就算做咗但係又唔肯行嘅話,咁邊度會有突破呢?有時真係太過保守,死牛一面頸!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]