國歌法

「國歌」

或者我真係孤陋寡聞,真係唔知全球有幾多國家有國歌法。而國歌法其實係國際上並非主流,再上網搵下,原來只有少數國家例如日本同馬來西亞都有所謂嘅國歌法。國歌係一個國家嘅象徵,如果一個國家嘅人民認同自己嘅身份,而且亦都會感到自豪嘅話,其實又使乜嘢立法呢?咁係唔係代表其他國籍嘅人都要遵守?如果唔識唱國歌嘅話係唔係就代表唔專重?

「國家」

人大常委會會議係北京召開,常委會係會議入面通過國歌法草案,並於十月一日生效。以前香港係英國殖民地,所以係用英國國歌,但係又有幾多人識得唱?依家回歸咗,又係唔係所有香港人都識唱?基本上每日係六點半新聞之前都會播國歌,其實有無咁嘅必要?真係無見過一個國家或者地方會日日係電視度播國歌。咁係屋企係唔係都要遵守國歌法?

「法例」

侮辱國歌係需要負法律責任,當中包括惡意修改歌詞,以歪曲貶損嘅方式去奏唱,或者以其他方式嘅侮辱行為。而公安機關可以作出警告或者可以拘留十五日以內。如若構成犯罪,將被依法追究刑事責任。而每當奏唱國歌同時行為嘅時候,所有場人員都應該肅立,舉止莊重同不得有不尊重國歌嘅行為。至於教育方面,國家法將會被列入中小學教材,中小學應當將國歌作為愛國主義教育嘅重要內容,組織學生學唱國歌。而最重要嘅係教學生了解國歌嘅歷史同背後嘅意義,當中就遵守國歌奏唱禮儀。


Also published on Medium.

Comments are closed.