數科學


個人分享
Tagged With: , , , , , , , , ,

「數感」

如果大家有睇過今集嘅財經透視,入面講到數據科學家!當然香港對嚟個行業仲未算係十分了解,但係入面講到數感嚟樣嘢。做咗咁耐數據分析,其實唔單止係要每日對住啲數字,與此同時要有好強嘅觀察力。因為要喺數字入面搵到有用嘅訊息係需要對數字敏感。嚟個技能係無辦法去培訓出嚟,好多時係靠經驗,與此同時亦都係一種天賦。所以數感唔係一啲可以靠讀書學返嚟嘅嘢!

「技能」

其實之前我都係其他訪問入面講嗰數據科學家,當然唔係間間大學都有得讀,而且就算讀咗係香港都未必有咁多需求。不過係唔係一定要讀同數學有關嘅科目先至可以做數據科學家?其實反而唔一定,因為好多時都係需要了解各行各業嘅運作,對科技有相當嘅認識,仲要識得寫程式同管理數據,最後就係可以將複雜嘅數據分析完之後再用一個簡單易明嘅方法去講番個故事出嚟。

「難精」

其實數據分析係一門易學難精嘅行業,除咗要有實戰嘅經驗之外,好多時要面對唔同嘅失敗同挫折。而且要不斷學習同了解唔同行業嘅特性,因為就算係同一樣嘅數據,係會因為地方文化同行業而有所唔同。雖然分析嘅方法一般都好類似,但係如果數感好嘅人佢哋可以好快就可以搵到分別再加以分析。不過最緊要嘅一定係諗辦法加快整理數據同分析模型,因為一般最煩嘅就係嚟兩樣嘢。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]