廿五個


個人分享
Tagged With: , , , , , , , , ,

「返學」

話咁快又一個月,好似啱啱先至同郭大少慶祝完生日無幾耐。好快佢就開始校園生活,原本以為佢咁癡我哋,點都會有啲分離恐懼症,點知嚟個小朋友竟然完全可以唔理我哋,自己去上堂。咁應該到真正開學嘅時候,相信唔會出現爆喊同難捨難離嘅情況。不過佢真係好鍾意返學嘅小朋友,有次出去食晏,點知佢一出門口就話要返學,但係嗰日係星期日邊度有學返嚟?

「成長」

一踏入兩歲郭大少就已經非常茶煲,越嚟越有自己嘅主見。所有嘢都要自己揀,有時仲要扮大個,成日話要自己嚟。不過成日發脾氣同扭計,食飯都係要氹餐懵。有時仲識得同我哋討價還價,經常性講乜乜乜先,乜乜乜多一次,真係比佢激死!而家已經識晒啲英文字母,仲可以用英文講一至二十。不過小朋友真係大得太快,真係要好好珍惜依家可以同佢一齊嘅時間!

「回顧」

回顧下今個月同佢做咗啲乜先。月頭去咗小不點創作睇話劇,同一班羊年出世嘅小朋友開生日會,氹咗好耐先至影到嘅學生相,去咗荃灣玩吹泡泡不過有啲流,去咗迪士尼兩次,過咗澳門同媽媽慶祝生日,第一次係屋企同佢整曲奇餅,當然仲有去唔同地方上堂啦。不過今個月少咗去公園玩,因為一係就熱到傻咗,一係就落雨落唔停,兼且係咁打風,希望下個月可以去多啲公園玩啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]