買唔到


個人分享
Tagged With: , , , , , , , , ,

「時間」

係嚟個世界上有好多嘢係用錢買都買唔到!就好似時間咁樣,一分一秒咁樣過,無得返轉頭。當然好多人都會話要善用時間,想每分每秒都用得其所,因為人生話長唔長,話短唔短,應該用最短嘅時間做最多嘅嘢。以前或者想一日有四十八小時,因為啲嘢做極都做唔完。但係人大咗,而家就希望時間唔好過得咁快,因為唔想郭大少大得咁快。但係點都好時間係買唔到。

「童年」

一個小朋友嘅童年係用幾多錢都買唔到!由出世一刻,佢哋嘅成長速度真係好快,學嘢嘅速度仲快。只不過作為父母經常性都好矛盾,有時想佢哋快啲大,有時又想佢哋唔好大得咁快。而讀書嘅時候就希望快啲畢業,點知畢咗業出嚟做嘢之後又覺得點解校園生涯咁快就過咗。當大家諗返轉頭嘅時候,大家又會記得幾多?童年係無價,而要一個開心同健康嘅嘅童年更加係無價。

「人生」

一個人嘅人生其實亦都係用錢買唔到!每個人嘅成長環境都唔同,經歷亦都唔同,當然有人會話可以用錢去改變,但係變相人生係有錢去堆砌出嚟,完全唔真實。人生好多嘅課堂係用錢都買唔到,而好多時最寶貴嘅課堂係從失敗中學習。所以一個人嘅人生係唔可以用錢去買返嚟,而要活在當下其實唔係一件易事。因為人好多時都係貪心,得一想二,要學會珍惜唔係個個人做得到!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]