打大風

「颱風」

今次強颱風天鴿嘅威力真係好驚人,無諗過可以係咁短嘅時間可以增強得咁快。雖然天文台已經預計天鴿會帶嚟風暴潮,同時亦因為漲潮嘅關係,一啲低窪地區預料會有水浸嘅情況,不過都無用,因為潮水嘅高度更係自一九六二年超強颱風溫黛以來嘅最高紀錄。如果大家有睇返數據嘅話,天鴿嘅中心風力仲勁過對上韋森特嗰次。香港真係好好彩無受到正面吹襲。

「天鴿」

今次個風真係好勁,返咗嚟咁多年,打咗咁多次風感覺都無今次咁嚴重。朝頭早香港開始懸掛八號風球之後,好快天文台就已經陸續發出九號同十號風球訊號。啲風真係好勁,見到屋企窗外面啲雨基本上俾啲風吹到可以向上飛。講真聽到啲風聲你都咪話唔驚,再加上好多影片不斷發送出嚟,真係唔敢出街。佩服嗰啲仲有閒情去飲茶嘅香港人,唔通香港人真係無危機意識?

「破壞」

天鴿吹到嚟香港之前個日仲熱到嗌救命,雖然天鴿無正面吹襲香港,但係澳門就打到正!見到澳門嘅情況就更加嚴重,因為除咗好多地方水浸之外,澳門仲因為天鴿做成嘅破壞引致無水無電。當然好多香港人都想打得成風,因為有假放!只不過嚟個係啲乜嘢心態?颱風嘅破壞力驚人,今次香港算好好彩無造成重大嘅損失。但係次次都咁好彩?自然力量嘅破壞力真係可以好驚人!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]