再學過

「改變」

真係好耐無寫過任何嘅程式,因為已經好耐無揼過石仔。科技嘅嘢真係日新月異,雖然好多嘢都係一里通百里明,只不過放低咗咁多年,其實真係又要重頭學過晒。當然而家學嘅係點樣用嚟分析數據,但係就真係無以前咁多時間咁,不斷試,不斷錯,直至成功為止。以前真係可以日試夜試,真係連發夢都喺度寫緊嘢。有時真係太多嘢想搞,所以係時候寫返嘢!

「編碼」

雖然唔係讀電腦出身,但係由細到大,電腦係我最好嘅朋友,所以好多嘢都係自學返嚟。不過真係無諗過慢慢由興趣變咗做知己嘅職業,以前好多嘢都係靠睇網上面嘅教材去學返嚟,其實而家都係。我好少睇書,反而係自己鍾意不斷寫,不斷試,從錯誤中學習唔同嘅編碼語言。當然有好多代碼都係大同小異,只係語言唔一樣,不過而家真係多咗好多工具去幫你寫程式。

「分析」

為咗要更快嘅速度去分析數據,其實第一件事就係需要整理數據,所以好多時都需要寫程式去幫手整理。雖然而家有好多程式到話自己可以整理數據,但係每一間公司都有唔同種類嘅數據,而且行業本身嘅性質都有啲唔同。到最後最好嘅方法都係要自己搞,所以邊度有可能唔再寫嘢?慶幸啲入門嘢就真係好入門,所以好快就掌握到的基礎。基礎係好緊要,如果唔係真係有機會去到深啲嘅嘢就唔會明點解!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]