離開吧


個人分享
Tagged With: , , , , , , , , ,

「離開」

相信好多人心入面都會有諗過離開香港嚟嗰城市,而每個人嘅原因都唔同。當然係唔係離開嚟個城市會好啲?究竟仲可以留係嚟個城市幾耐?當然唔係個個人話離開就可以離開。但係如果你有得揀嘅話,你會唔會走?返咗嚟之後嘅感覺就係自己嘅視嘢不斷係度萎縮,好多嘢逐漸變差,如果孤身隻影嘅話應該已經走咗好耐!因為香港已經再唔係我長大時候嘅香港,真係變得太多!

「生活」

身邊好多認識嘅朋友以前都會話返香港做嘢,但係過咗幾年好多都走頭去外國工作同生活。當初以為佢哋淨係因為小朋友,但係其實係連佢哋都覺得香港唔識合佢哋住。其實我亦都有同樣嘅諗法,不論思想,行為,價值,等等都好唔同,真係越來越頂唔順嚟個城市。曾經希望可以改變某啲嘢,但係改變唔到就唯有接受,而接受唔到就唯有離開。所以范徐麗泰講得啱,最好嘅方法係離開香港!

「香港」

國有國法,家有家規。自己都係中國生活咗幾年,但係真係好少理政府嘅嘢,同話知佢,事關知道自己只係去工作而已!但係返到嚟香港就好唔同,好多嘢都關乎自己同下一代,當然亦都因為自己係香港人,所以比較在乎!香港係我哋嘅根,就算去到邊我哋都會為香港人嚟三個字自豪。慶幸嘅係有啲人嘅父母會為自己嘅仔女鋪路,如果無佢哋,我哋未必有咁嘅選擇。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]