難服侍


個人分享
Tagged With: , , , , , , , , ,

「服侍」

做乜嘢都好,其實間唔中都會遇到一啲難服侍嘅人。當然嫌三嫌四就不在話下,有時真係吃力不討好。最慘嘅係都唔知啲人乜嘢心態,真係以為俾少少錢就大晒,咁其實同啲暴發戶有乜嘢分別?好多時淨係講客戶嘅權利,咁做生意嘅就無權利?而家真係郁啲就話要投訴,投訴唔得就擺上網。不過大家係唔係都要將心比己呢?如果有一日你俾人擺咗上網公審,你又會點呢?

「心態」

好多時都真係唔知依家啲人諗啲乜嘢,雖然有時係自己嘅失誤同疏忽所導致,而亦都已經講過問題同解釋過,甚至乎道歉過,只不過啲人接唔接受係另外一會事。不過講真有啲訴求真係小學雞到無人有。有時都唔知係唔係社會問題,搞到啲人好難服侍,有時亦都好自私同自我中心。當然我唔會放喺心入面,因為通常都係個別事件。不過情況真係日益嚴重。

「尊重」

做人做事都應該互相尊重,有時更應該要互相體諒,將心比己。不過好多時都真係見到啲人無理取鬧,真係一啲雞毛蒜皮嘅嘢都要鬧一餐,非常之無謂。有時甚至有啲人只係想攞便宜,以為上網寫段嘢就以為自己啱晒。真係唔知幾時個社會變到咁扭曲。但係如果真係遇到不合理嘅事情嘅時候,咁一定要出聲,尤其係一啲關乎自身嘅問題,只係唔係乜呀都要鬧一餐!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]