突破點


個人分享
Tagged With: , , , , , , , , ,

「樽頸」

好多時人生都會去到一啲樽頸位,無論行前定行後,行左定行右,感覺都好似怪怪地咁。所以大部份時間都只係會原地踏步,甚至乎因為原地踏步嘅時間太耐,導致無辦法去突破,結果就係不進則退,退到一個點自己都已經迷失方向。有時太過想突破反而累事,因為希望快啲有啲改變,就係咁得不償失。有時真係急都急唔嚟,唯有見步行步希望慢慢可以搵到突破點。

「盲點」

每個人都會有盲點,要突破盲點其實唔係一件易事,因為當局者迷,有幾多人真係可以退後一步,睇清睇楚先至再去行每一步呢?就好似創業咁,好多時有好多嘢都估計唔到,你只可以見招拆招。一帆風順未必係一件好事,但係風高浪急嘅時候亦都要做好兩手準備。要突破現狀好多時要靠天時地利人和,而盲點永遠係致命傷,所以要突破就要確保自己唔好俾盲點蒙蔽!

「突破」

經過咁多年嘅起起跌跌,係時候要停落嚟。雖然仲未搵到突破點,感覺十分之迷惘,究竟點樣行先至好?就算想返反去起點,但係發現係無可能嘅事。時間一分一秒咁樣個,再搵唔到突破點嘅話之後嘅人生真係唔知應該點樣行落去。每日只係希望明天會更好,但係幾時先至出現雨後彩虹?係唔係應該推翻晒所有嘢重新嚟過?又係嚟到人生交叉點,點樣嘅路先至係最好?


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]