林子健

「事源」

老實講,一開始聽到有民主派嘅人俾內地執法人員擄走,當然覺得好離譜。但係諗深一層就真係有少少奇怪,因為無啦啦劉霞會想要一張美斯嘅簽名相?點解一個人被人虐待之後,竟然唔係去醫院而係返屋企沖涼?最神奇嘅係咁多訂書釘,唔通真係唔痛,點解仲要開咗記者會先?真係好多問號!究竟係真係俾人擄走虐待,定係一個自編自導嘅故仔?無論係點,都真係要查清楚先至知道。

「案件」

今次林子健嘅事件會唔會令民主派嘅信譽盡失?講真,好少可警方會咁大陣仗同咁高調去調查事件。雖然話有閉路電視影到,而入面嗰個人真係好似林子健本人,但係仲有好多嘢要查清楚。只不過真係好難唔令人懷疑今次嘅事件係佢自己自編自導!究竟目的係啲乜嘢,相信只有佢本人先知!不過點都好,事件已經造成一定嘅影響。今次民主黨真係老貓燒鬚,分分鐘俾林子健一鑊翹起!

「目的」

當然會唔會有人自己用訂書機訂自己,好明顯唔會!但係如果有目的嘅話就好難講!不過真係實在有好多嘢都講唔通,諗唔明。所以都係等件事查到水落石出之後先至評論會好啲!如果今次真係林子健自編自導嘅話,相信對民主黨嘅影響都幾深遠。好多人都會陰謀論咁諗,究竟佢係唔係被人收買咗,目的係要令香港市民對民主黨失去信心。如果係咁相信真相係點都已經唔緊要,因為目的已經達到!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]