流星雨

「流星」

流星群係由周期性彗星分解出來嘅物質或者由瓦解咗嘅彗核所形成,由於流星群嘅軌道相當固定,所以地球會周期性咁穿越嚟啲流星群,因此就會出現固定性嘅流星雨。而「英仙座流星雨」係其中之一,另外仲有「象限儀座流星雨」同「雙子座流星雨」,並被稱為北半球三大流星雨。而全年三大觸目嘅流星雨之一,英仙座流星雨,今晚九點半開始將會畫破香港夜空,估計每小時最多會有一百五十粒。

「自私」

香港人真係做乜嘢都係一窩蜂咁去做,一話有流星雨睇個個就走晒去睇,搞到好多地方都好多人,根本上就算天氣好都無用!香港因為光害已經搞到好多地方已經睇唔到,而一啲觀星嘅熱點更加因為好多人揸車去睇搞到大塞車,入又入唔到,出又出唔到,好多地方都失死晒。雖然天色都已經唔係好理想,再加上啲人又開晒電筒,莫講話想睇流星雨,就連平時睇到嘅星星都未必睇得到。

「每年」

其實每年八月十二至十三日,係英仙座流星雨嘅極大期,每小時最多可觀察到一百粒或以上嘅流星,但係嚟個只係理論上最理想嘅數值。而每年實際可以觀賞到嘅數目,最主要係視乎當日嘅天氣,月亮嘅光度同附近嘅光害程度而定。所以就算今年睇唔到,出年都可以再睇過,有無必要真係一聽到有流星雨就一窩蜂咁去睇。當然大家都係想睇,但係大家都要互相合作咁先至欣賞到㗎!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]