點報價

「公司」

相信好多做服務性質嘅公司都經常要報價俾客戶,而好多時除咗報價之外都需要先做一份計劃書。不過好多公司只係因為內部流程需要,要搵幾間公司去報價,所以基本上只係陪跑。辛辛苦苦做嘅計劃書對嗰啲公司嚟講只係一份功課,而有啲甚至乎想要你嘅橋,所以有時做又唔係,唔做又唔係。到最後其實就算你份計劃書做得有幾好,你報嘅價錢係幾平與貴都唔係關鍵。

「預算」

通常啲客搵我哋嘅時候我都會問一問佢哋有無一個預算先至去報價,當然唔係因為佢哋有多啲錢而收佢哋貴啲!其實係希望大家唔需要浪費時間去不斷修改個項目嘅內容同價錢,最重要嘅係雙方面都清楚個預算有幾多錢同可以做到幾多嘢。當然有時就算預算唔多,我哋都會盡量做,而價錢定位基本上都係用所需嘅工作時間去計算,咁樣其實係為咗確保雙方面嘅利益。

「報價」

當然每間公司都想用最少錢做最多嘅嘢,只不過有時遇到啲公司真係好離譜,得一想二!如果真係做到嘅話唔通真係唔做咩?一分錢一分貨,邊度有咁大隻蛤乸隨街跳。無預算嘅話真係好難報價,報得太貴又問點解咁貴,報得太平又問包幾多嘢。其實開個價有幾難?其實大家都係希望做好件事,係唔係唔講價就唔安樂嘅呢?所以我只會有做與唔做,就係咁簡單。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]