網上行

「營銷」

依家要做網上營銷真係好複雜,因為實在太多嘢要兼顧,最大嘅分別就係日新月異嘅科技發展。當然仍然有好多公司仲需要轉型,不過要成功轉型實在唔係一件易事。最大嘅問題係在於心態。如果用傳統營銷嘅心態,其實係無可能轉型。而唔敢嘗試,唔肯改變,唔肯接受,都係常見嘅致命傷!要理解網上營銷係需要時間,只不過好多理論其實同傳統營銷係無分別。

「網上」

點樣先至可以有效咁係網上做營銷?好多人都有嚟個問題,當然要講嘅話真係有排講,因為真係實在有太多唔同嘅營銷渠道。但係其實都係離唔開營銷嘅基本,就係營銷漏斗!網上營銷基本上都可以利用數據去了解客戶係每一個流程入面所發生嘅事情,然後通過數據再加以分析就可以知道問題所在。經過不斷嘅測試同優化,就得出一個相對理想嘅營銷模式。

「數據」

要認真去理解網上營銷嘅成效,好多時都要計算投資同回報。與此同時係每一個步驟都需要知道客戶嘅需要!因此通過記錄客戶嘅行為係非常重要,如果無數據嘅話,其實好難搵出問題嘅所在!通常要有效咁計算投資同回報,所需要嘅數據係嚟自唔同嘅平台或者系統,再將唔同嘅數據串連起嚟,咁樣先至可以好透徹咁知道客戶嘅行為,在作出有效嘅調整。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]