點定位

「定位」

好多時做生意係好講求業務嘅定位,而定位除咗指業務嘅對象之外,其實仲有價格嘅定位。當然任何業務都要了解市場是需要同承擔能力,如果市場係無需求嘅話,就算價格幾便宜都好,其實都唔會有生意。所以公司嘅定位係好緊要,但係有時因為環境嘅問題,公司嘅定位亦都會作出唔同嘅改變。不過亦都有好多公司係改變公司定位嘅時候作出錯誤嘅決定而衍生更多嘅營運問題。

「業務」

搞咗培訓課程都接近半年,雖然方向都好清晰好明確,但係開啲乜嘢課程真係一個好頭痛嘅問題。有時真係開咗個課程可以係一個人都無,因為無數據,所以有時都要摸着石頭過河。而問題係邊度?應該係市場嘅問題,因為無人識又或者行得太前,所以又點會有人報名呢?當然價錢同上堂嘅時間都有影響,不過因為係專業培訓,唔係嗰啲速成班或者講座,要再認真研究吓個市場定位。

「價格」

好多時最難搞嘅係價格嘅定位,因為真係好難捉摸!最慘嘅係啲人永遠都會覺得個價錢可以平啲!所以有理無理都會問有無得平,有無折扣,又會用種種嘅原因係忙你減價。老實講,真係一分錢一分貨,如果真係好平嘅話,你都唔好幫襯啦。所以價錢嘅定位係一門好深奧嘅學問,因為除咗睇市場之外,好多時都需要留意競爭對手,同營運開支!真係有排學,唔知幾時先至學識!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]