寫網頁


個人分享
Tagged With: , , , , , , , , ,

「興趣」

仲記得好多年前因為自己嘅興趣開始學點樣寫網頁,亦都因為嚟個興趣變成自己嘅職業。二十幾年前嘅網頁真係非常之簡單,無而家咁複雜,亦都冇任何嘅工具可言,所有嘢都係要自己一隻隻字打出嚟!再加上自己鍾意設計,咁就係今日大家所講嘅網頁設計。不過而家仲有無人好似以前咁寫網頁?如果而家叫我寫一個網站應該要從頭學起,因為變化實在太大。

「編寫」

雖然自己唔係讀電腦出身,好多嘢都係自學返嚟,但係如果當日自己無學過寫程式嘅話,今日應該有好多嘢做唔到。而未來好多行業其實都係需要知道點樣寫程式,所以由細學起係一個趨勢。網站係一間公司嘅核心,如果無網站嘅話莫講話客戶無辦法搵到你,就連好多推廣嘅方法都未必用到。與此同時好多數據亦都收集唔到。所以就算唔識寫程式都應該要識寫網站!

「網站」

好多公司仍然忽略自己公司嘅網站,因為今時今日最值錢嘅係數據,如果連自己嘅客戶係邊度搵到你嘅產品或者服務嘅話,咁又點樣可以有效咁推廣呢。而家有好多網上營銷嘅方法都係需要有一個網站先至可以提高推廣嘅經濟效益,奈何香港有好多公司唔會投放資源去營運自己嘅網站。有時最基本嘅嘢先至係最重要,今時今日網頁唔單止係一個資訊嘅平台,而係一個營銷嘅平台!最重要嘅係你鍾意點就點,唔受任何限制!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]