做品牌


個人分享
Tagged With: , , , , , , , , ,

「品牌」

品牌其實唔等同商標!品牌指嘅係產品或者服務嘅象徵。而商標通常都係以符號作為識別嘅標記。品牌所涵蓋嘅領域必須包括商譽,產品,企業文化以及整體營運嘅管理。所以品牌唔係單薄嘅象徵,而係一個企業總體競爭或企業競爭力的總和。當成為一個真正的品牌嘅時候,係每個消費者嘅心中都已經形成咗一個對這個品牌嘅認識,而消費者對品牌嘅認識就形成嚟個品牌嘅內涵。

「建立」

要建立一個百年品牌有幾難,其實真係非常難!因為好多行業都有一個週期,而好多百年品牌都會經歷過好多風風雨雨。所以要創立一個品牌係一件非常艱難嘅事,而好多時創業唔係單純為咗賣盤或者上市,有時真係為咗一個理念。一個品牌通常背後都有一個故事,而且有好多原則同規範。要做好一個品牌係需要一定嘅堅持,當然唔係所有人都認同,不過嚟個亦係品牌嘅價值!

「現實」

如果問大家香港有啲乜嘢品牌唔知大家會講得出邊啲公司或者產品呢?香港其實有好多有名嘅品牌,只不過大家會唔會為香港人創立嘅品牌而自豪?近年好多人都係為創業而創業,希望搵到投資者,然後就賺大錢。不過其實有好多都係希望建立自己嘅品牌,默默耕耘嘅大家有無注意呢?有時香港人就係咁現實,有錢就代表成功,有錢嘅就係品牌,而其實嚟啲都只係表面嘢!


Also published on Medium.

Comments are closed.