無蜜蜂


個人分享
Tagged With: , , , , , , , , ,

「影響」

自然環境慢慢咁樣改變,有時嚟啲改變唔係一夜之間就改變到!好多時都係由一啲微不足道嘅小變化開始。雖然係好多人嘅眼中,嚟啲改變好似唔係好重要,而亦都係因為咁嘅小變化,卻往往能夠擴大成全球嘅大災難!相信好多人都唔知道蜜蜂正在慢慢消失,早喺四五年前,美國蜜蜂嘅數量已經減少到一個警戒線。好多嘅蜂巢其實只係得返孤單嘅蜂后,少數嘅倖存者,無郁過嘅食物同好多仍然未出世嘅蜜蜂。

「蜜蜂」

好多人都未必知道蜜蜂對我哋人類嘅重要性,其實好多農作物係需要蜜蜂去傳播花粉,如果無咗佢哋嘅話好多農作物都會失收,而後果係可以好嚴重。所以蜜蜂係整個食物鏈嚟講係好緊要,真係唔好睇少佢哋!但係點解啲蜜蜂會無端端咁減少?其實係歷史入面已經唔係第一次發生,只不過如果再唔正視問題嘅話,當有一日蜜蜂真係地球消失,人類將會面臨災難性嘅糧食問題。

「衰竭」

蜂群衰竭失調有幾個可能性造成!首先係害蟲同疾病,蜂蟹蟎係一種粉紅色嘅小害蟲,佢哋唔單止會侵略領地,以蜂為食,同時會轉移病原體,阻礙蜜蜂生長,並縮短佢哋嘅壽命。第二種可能係遺傳學,因為商業用嘅蜂巢有數不清嘅蜂后,係咁嘅情況下會引發「缺乏遺傳多樣性」嘅問題。第三種就係因為化學製品,
在商業蜂巢同農作物中,用來阻擋寄生蟲嘅農藥,因為有機會流入蜜蜂攝取嘅食物同水中,影響蜜蜂生長。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]