視覺差

「視差」

相信好多人都會睇過一啲同視覺差相關嘅圖片同電影。其實視覺差係因為人類嘅眼睛嘅構造而造成。一個大家都會接觸到嘅例子就係三維電影,要製造立體嘅電影就需要利用特殊嘅眼鏡去將原本兩個唔同角度嘅影像整合起嚟。因為人嘅眼睛只能看到一個獨立圖像,透過特殊眼鏡觀看電影嘅時候就會產生立體嘅感覺。其實做數據分析都係一樣,好多時我哋都需要多一個觀點與角度去分析數字背後嘅意思。

「影響」

好多時我哋係日常生活都會俾唔同嘅事同物影響。而每個人嘅觀點與角度都會有唔同,所以就算大家睇同一樣嘅資料,同一堆嘅數字,分析出嚟嘅結果都會好唔同。為咗保持數據嘅中立性通常都要加入唔同嘅觀點去分析,盡量用多角度去理解數字背後嘅意義,因為有時真係好容易俾啲數字誤導咗,就好似我哋有視覺差一樣。因此有時真係要退後幾步去睇啲數字與數字之間嘅關係,先至可以掌握大局。

「反省」

我好鍾意啲利用視覺差去創造出嚟嘅藝術品,因為無論你睇幾多次都好,你都會覺得好震撼!雖然大家都知道係觀點同角度嘅問題,亦都正正因為咁嘅原因,好多人以為自己掌握大局但係實質只係活喺自己嘅世界入面。雖然要無人可以睇通睇透任何事同物,但係就應該提醒自己應該用唔同嘅觀點同角度去思考問題。一個銀仔都有兩面啦,更何況我哋生活係一個咁複雜嘅社會?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]