作反了

「智能」

近年好多公司都開始發展人工智能嘅技術,當然暫時谷歌係嚟方面嘅發展可以講係比較快。只不過人工智能係唔係已經發展到一個地步可以取代人類,相信仍然需要一段比較長嘅時間。人工智能除咗有自學能力之外,仲有自主嘅能力,不過所有嘢都基於人類嘅智慧。如果無人去寫嚟個程式嘅話,基本上就唔會有人工智能呢樣嘢。所以人工智能係一個個體,而點樣學習其實都係好睇我哋俾啲乜嘢佢!

「作反」

近日好多人都係度講緊早前臉書利用自己研發嘅聊天機器人竟然創造了自己嘅語言。其實真係意料之內,因為人工智能係一張白紙,而通過人類灌輸嘅智慧慢慢自己去學習。當然係互相交流嘅時候,佢哋點樣學習係一個謎!其實係一個無規限嘅環境,個程式只不過係慢慢演變出佢哋自己溝通嘅方法。咁究竟係個程式作反定係技術未成熟?其實人工智能仲係起步階段,所以乜嘢都會有可能。

「規管」

其實好多電影都會以人工智能去做題材,大家都希望利用人工智能去改變世界,不過如果學咗啲唔應該學嘅嘢咁就麻煩嘞!所以其實要規管嘅唔係人工智能,而係開發者。如果有日真係出現問題嘅話,到時先至規管,或者就已經太遲!每個程式都應該有規限,如果真係去到有意識嘅時候,其實真係非常可怕嘅事。所以科技嘅發展永遠都有辣同唔辣!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]