兩歲啦


個人分享
Tagged With: , , , , , , , , ,

「改變」

兩年前嘅今日有一位小朋友嚟到嚟個世界。從此我嘅人生再不一樣,我嘅生活都因為你嘅出現而改變咗好多。不經不覺做咗你爸爸兩年,唔知係你眼中我嚟個爸爸係點呢?雖然你開始踏入茶煲嘅階段,但係可以睇住你成長已經係一件好幸福嘅事,因為幸福唔係必然。我只係得一個好簡單嘅要求,就係你有一個開心快樂嘅童年!希望你長大之後會有機會睇返今日我寫嘅嘢啦!

「兩歲」

郭大少生日快樂!今日你兩歲啦,希望你身體健康,快高長大,開開心心!時間真係過得太快,能夠係嚟兩年睇住你一日一日咁成長其實就已經心滿意足,再辛苦都唔緊要,最緊要嘅係見到你每日開心個樣就足夠。雖然你只係得嗰兩歲人仔,但係好多時都會俾啲驚喜我,或者係其他人嘅眼中可能係平平無奇,但係對我嚟講你永遠都係獨一無二。

「成長」

過多幾個月你就會進入人生嘅另一個階段,一諗到你即將要開始你嘅校園生活,有自己嘅圈子嘅時候,你仲會唔會好似依家咁要我同你做你想做嘅嘢呢?當然係我嘅眼中你永遠都係一個小朋友,而你慢慢亦都會獨立起嚟。雖然我知道有好多嘢你係有能力自己去做,只不過我亦知道當你獨立起嚟嘅時候就唔會再需要我。所以我好珍惜而家可以經常陪伴你嘅日子,因為時間真係用錢都買唔返。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]