速成班

「開班」

過去幾個月都係比較專注係開班教分析數據嘅業務,當然係因為之前有好多人都問我邊度有堂上。雖然已經行咗一排,不過係唔同嘅地方都見到有其他公司都有開唔同類型嘅課程,有時亦都會諗大家嘅定位有啲乜嘢唔同。我相信最大嘅分別係宣傳手法同課程嘅價錢定位,而好多時見到佢哋最常用嘅字就係速成!咁明白嘅,因為香港人忙所以樣樣嘢就當然希望學完就用得,只係現實同希望係兩回事!

「速成」

速成班或者有啲人叫做嘅雞精班,即係指用好短嘅時間去教你一啲最快捷嘅方法去學識你想學嘅嘢!當然有啲人會好鍾意嚟種模式去做推廣同吸納生意,而事實係每個人嘅需求唔同,每間公司嘅產品同對象唔同,係唔係真係跟住教嗰一套做就會有成效呢?好多時好多嘢係欲速則不達,係有心學嘢就應該要由根學起,因為咁樣先至會長遠。不過講到尾速成班係有佢嘅市場嘅!

「經驗」

當然做咗咁多年數據分析,點都會有啲共通點可以分享下。只不過敢唔敢寫包單話一定得就真係無可能,因為每間公司嘅運作模式都唔係一式一樣。就算大家用同一個工具,同一組數,基本上無可能分析出同一個結果。所以好多人會問我用邊粒數去睇我可以答到佢,但係睇完之後有啲乜嘢嘅結果同之後有啲乜嘢可以做就比較難。其實我覺得速成班只係將過去咁多年嘅經驗做一個總結!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]