搞派對

「生日」

每個小朋友都會搞過生日會,而我哋上年無幫郭大少搞,只係叫咗屋企人同佢哋一齊慶祝。今年我就想幫佢搞返個生日會,等佢開心下。因為郭大少好鍾意巧虎,整個生日會嘅主題都係用巧虎為主。而老婆真係好厲害,因為佢訂咗好多巧虎嘅佈置同生日蛋糕俾郭大少!如果你問我真係唔知係邊度可以搵到咁多巧虎嘢返嚟。有時不得不佩服淘寶嘅強大之處!

「颱風」

真係比個颱風洛克玩死,因為今日係郭大少嘅兩歲生日會,而我哋一直擔心如果八號風球會點。點知一起身天文台就無啦啦話掛八號風球,但係又唔知會掛幾耐,只係話掛一段時間。所以我哋都唔知點算好,原本諗住改期但係之後無啦啦又話晏晝會改掛三號風球!真係搞亂晒我哋嘅計劃。不過好彩到最後都順利搞完個生日會,真係好多謝所有嚟出席嘅朋友!

「玩死」

當然最勞苦功高嘅就係老婆啦,因為之前除咗安排我哋嘅北海道同大阪之旅,佢仲要安排晒所有生日會嘅物資同細節我哋先出發去旅行,因為返嚟之後幾日就係個生日會。不過真係俾個天文台玩死,我哋朝早又唔知個風會點,係度諗改唔改期,同時有好多嘢都訂好咗唔知點算。最後搞到好遲先至去佈置個場地,就連唔見咗支蠟燭都唔知,就連要帶把刀嚟切蛋糕都唔記得帶,真係從來無試過咁蝦碌。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]