變變變


個人分享
Tagged With: , , , , , , , , ,

「風雨」

每間公司都會經過唔同嘅風風雨雨,當然有啲安全過渡,有啲就未必咁好彩,所以好多公司當佢哋有實力嘅時候就開始開拓唔同嘅業務。有啲就會選擇深度化,有啲就會選擇廣闊業務,有啲就直頭選擇做一啲完全同本業無關嘅嘢。無論係邊一種,其實唔係重點,而係每間公司都希望擴闊自己嘅資金來源,分散投資。如果過分專注單一業務,萬一有乜嘢事嘅時候仍然會有其他嘅業務去平衡。

「轉型」

近日發現好多本地公司正在轉型,相信大家都係去到差唔多嘅位置,又係時候開始諗跟住嗰十年。當然每間公司都會變,不論最後改變是好是壞,不進則退,就係咁簡單。其實而家個市場真係變得太快,雖然數據分析仍然仲未係香港盛行,但係亦察覺到唔同嘅問題出現咗。其實前幾年已經開始諗下一步,不過真係開始得太遲,因為太過專注現有嘅業務,如果變得早啲或者今日嘅情況又會唔同。

「管理」

當然同時間管理唔同嘅業務係一件比較困難嘅事,甚至乎可以話係精神分裂。曾幾何時自己亦都有試過,不過當時團隊比較大,而且相當成熟。所以如果可以將本業穩定起嚟嘅話,其實就會輕鬆好多。而有人才可以接班其實係好緊要,因為可以放手等佢哋去做主導。只不過到現時仍然未有人接班,而過往嘅營運模式亦都需要改變。就算唔開拓新業務,其實都需要有改變先至會成功。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]