走天涯

「旅行」

讀萬巻書不如行萬里路!世界咁大,好多嘢淨係睇書係唔夠,要擴闊視野就要去唔同嘅地方親身感受唔同嘅風土人情。慶幸自己因為工作而有機會去唔同嘅地方同認識唔同國家嘅人。當然自己仲有好多地方未去,希望之後有機會可以去更多嘅地方。而我亦都希望郭大少可以去多啲唔同嘅地方見識下,雖然佢大個咗未必記得,但係每一次嘅旅程對我哋嚟講都係一啲好寶貴嘅回憶!

「體驗」

好多人對帶小朋友去旅行都有唔同嘅聲音或者意見。有支持嘅,亦有反對嘅!好多人話個小朋友咁細個得嗰一兩歲去旅行,去嚟做乜嘢?佢哋都唔會記得㗎啦!有啲人又認為係因為啲父母為咗去玩先至帶埋小朋友去旅行。其實郭大少出世咁耐,我哋同佢去過五次旅行,而每次佢都玩得好開心,每次去完之後都長大咗唔少。就係咁其實就已經足夠,希望可以趁佢返學前可以帶佢去多啲地方見識下。

「回憶」

之前都有好幾位嘅朋友都話,要去旅行就去多啲啦,因為返咗學之後就好難話去旅行就去旅行。講真又係,如果而家唔同佢哋去多啲,大個咗之後想佢哋同你去旅行都幾難。帶小朋友出去旅行當然需要顧及佢哋嘅日常生活,所以我哋都係去啲可以自駕遊嘅地方,最起碼佢玩攰咗就可以係車度舒舒服服咁休息。帶唔帶小朋友去旅行係個人選擇,雖然有時係會好攰,不過嚟啲回憶真係好寶貴,係用幾多錢到買唔返嘅回憶!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]