大阪遊

「大阪」

整體上去到大阪之後,感覺好似東京,人多車多。當然遊客都好多,去到心齋橋真係好多藥店,而且係入面做嘢嘅人好多都係中國人,甚至乎係鋪頭門口用普通話拉客。大阪都真係幾大,如果要玩嘅話真係都要去多幾日先至得,不過你問我嘅話我都係鍾意啲郊區地方。或者因為年紀大,除咗搵好嘢食之外,其實我都真係鍾意去睇風景,去一啲比較少人去嘅地方。

「行程」

今日嘅行程就係同郭大少去玩同買佢嘅嘢。起身之後食完早餐就出發去大阪嘅樂高樂園,我哋首先去咗買咗大阪兩日遊卡,因為張卡包咗兩日無限次乘搭火車同唔同景點嘅入場門票。去到樂高樂園郭大少就玩唔停,叫極都唔走。雖然唔係好大,不過入面就有好多唔同種類嘅嘢玩,有兩個設施設有高度限制,所以仲未玩得。之後就去咗心齋橋行街同食嘢,然後再去埋玩具反斗城睇下有無嘢啱郭大少之後就返酒店。

「愉快」

郭大少真係好鍾意火車,今日落到車站,見到火車嚟到嘅時候無啦啦喺度超興奮咁大叫。小朋友有時就係咁簡單不過,而佢行行下都會話要去搭火車。每次去旅行都覺得佢大個咗,學到啲新嘢,有時真係估佢唔到!而好心嘅時間真係過得好快,過埋今日我哋就返香港,結束十日嘅旅程。慶幸嘅係去到大阪繼續放晴,不過好彩大部份嘅活動係室內,所以唔駛又晒到燶咗!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]