札幌市

「札幌」

北海道真係好大,相信我哋應該會再返嚟玩。整體感覺唔錯,不過啲路比起之前去過的地方就差啲,而今次真係無乜去食好嘢,因為郭大少真係唔可以太過夜瞓。我哋每晚都好快食完就同佢返酒店同民宿沖涼瞓覺。不過今晚就去咗食當地比較出名嘅牛,雖然唔係我哋食過最好食嘅但係都不過不失。今日亦都係我哋最後一晚係札幌,聽日我哋就會出發去大阪。希望好快我哋再返嚟啦!

「行程」

今日繼續落雨天,本來想帶郭大少去公園玩,但係無辦法,就算停咗雨都會好濕。所以起身之後我哋就諗住先去行街然後再睇情況,再決定去唔去公園玩,因為真係落好大雨。今日係去咗日本咁多日以嚟第一日去行街,而撞正日本假期所以除咗遊客之外亦都有好多本地人去行街。之後因為都希望博一博睇下可唔可以同郭大少去玩,點知啲雨就越落越大,最終決定放棄,揸返車返市區。

「郊外」

我其實係鐘意行街多過買嘢嘅人,基本上我好少買衫同買鞋。自從之前去完東京之後,我都係覺得自己鍾意去啲郊外嘅地方,因為人又少,地方又舒服,而好多時都會去到一啲風景好靚嘅地方。而每次去完郊外之後,返到人多嘅地方感覺就好似同平時一樣,基本上就係店舖同店舖!唯一我有興趣嘅就當然係食嘢,因為係香港食同樣質素嘅嘢一般都好貴,而且唔一定好食!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]