小樽市

「天氣」

係嗰間民宿熱咗一晚之後,當然就係執嘢走人。好彩前晚搵到一間酒店,今晚應該可以有覺好瞓!今朝一起身就見到外面落雨,真係好好彩我哋返到札幌先至落雨,如果唔係落住雨去睇花田都幾掃興!執好晒行李之後,我哋就諗究竟係去行街同去公園,因為啲雨都真係落得幾大。最後決定去咗白之戀人公園再揸車去小樽市食飯同行街。不過因為落雨嘅關係,而白之戀人公園真係無乜嘢做,留咗陣就走了!

「小樽」

真係好好彩今日先至落大雨,不過就無得係白之戀人公園外面玩同影相,而且真係太多人所以好快就走咗!本來諗住去到小樽市就食晏,不過我哋想去三角市場嘅滝波食堂食海鮮飯!因為又係太過出名,我哋又等咗兩個鐘頭先至有得食。不過佢係好食,而我哋亦都叫咗當地先有嘅八角魚刺身。食完之後再無落雨,兼且放晴,所以我哋就行街,食嘢!本來夜晚諗住食燒海鮮,因為食到好飽所以放棄,玩完就揸車返酒店。

「玻璃」

小樽市出名嘅係玻璃,基本上好多店舖唔係買玻璃製品就係同嘢食有關。雖然條街啲建築物係好特別,但係啲店舖就好明顯做旅客嘅生意為主。所以我哋都無乜點買嘢,我哋最後買咗一對玻璃杯同一個音樂盒。然後就去咗好出名嘅運河,不過真係無乜嘢睇,影完張相基本上可以走人,但係郭大少就扭計話想坐船。所以就陪佢去睇下!到最後一嚟太貴,二嚟要坐四十分鐘,三嚟已經有啲晏,因此就放棄走人!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]