富良野

「民宿」

去到富良野間民宿,郭大少就超級興奮。一入門口就無啦啦好興奮咁大嗌,嚇到個伯伯彈起。之後去到民宿間房又無啦啦見到張床就二話不說咁大字型咁跳咗上去!每次去到一間新嘅民宿佢都好興奮,好似返咗自己屋企一樣!不過真係要講一講間民宿,話說係十幾年前,楊千嬅同古天樂係嗰度拍過戲,而睇返資料應該係乾柴烈火。食早餐嘅時候,屋主仲好熱情咁同我哋講套戲係佢間民宿到拍!

「花田」

去北海道嘅主要目的就當然係去睇薰衣草啦!而富良野嘅富田農場係大家必去嘅地方,因為真係好出名!我哋食完早餐之後就立即出發,因為怕人多,不過去到嘅時候都已經係好多人,當然包括好多旅行團同遊客啦,所以好多人係網上都話要晨早流流去先至會少人。去到見到一大片嘅薰衣草田,一片俾全紫色嘅薰衣草覆蓋嘅山坡真係好靚!仲要行緊嘅時候都有一陣陣嘅薰衣草味,不過天氣實在太好,同真係好多人,所以玩玩下又一日!

「農場」

富田農場分咗好幾個區,每一個都有啲唔同,如果認真影相嘅話一日應該唔夠。我哋去咗一陣就已經熱到溶咗,之後坐低買咗杯薰衣草軟雪糕食。之後郭大少攰得滯瞓咗,我哋就趁佢瞓嘅時候就係咁影相,如果唔係真係無辦法一邊睇佢一邊影相。晏晝佢起咗身之後就當然要食當地嘅哈蜜瓜啦,事關真係平香港好多好多,而且真係好甜!玩完一個農場基本上我哋都熱到謝晒,之後就食個快飯再去咗森林精靈陽台行咗個圈先至返第三間民宿休息,結束第四日嘅行程!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]