美瑛市

「風景」

之前嗰日去完動物園真係玩得太盡興,係民宿食完飯沖完涼之後無幾耐就同個仔一齊瞓著咗。第二朝起身食完嘢就再一次出發!今日最主要嘅係去睇風景同影相,係美瑛有好多唔同嘅景點,而一條叫做拼布之路,其實係由好多唔同嘅農田拼埋一齊而成。嗰度睇風景真係一流,只不過郭大少對嚟啲活動真係無乜興趣,而且佢都唔知我哋做乜,所以我哋都只係去到唔同嘅景點影張相,到此一遊。

「風景」

北海道啲風景真係好靚,不過夏天亦都好鬼熱。基本上淨係影一兩張相就已經出晒汗,不過最起碼唔係落雨,如果唔係真係邊度都唔洗去。上晝影完風景之後就去咗一個叫花七曜嘅地方食晏,而間餐廳真係好靚。與此同時亦感受到當地人嘅生活有幾優哉悠哉。休息完之後我哋就繼續我哋嘅旅程,就去咗四季彩之丘睇花田,然後離開嘅時候就咁啱見到當地嘅火車。當然郭大少就超興奮,因為係佢第一次見到真嘅火車!

「花田」

去到四季彩之丘,基本上有好多遊客,所以為咗避開啲中國團,我哋租咗部高爾夫球車去遊花田。因為平時郭大少好鍾意座我個司機位,當佢上咗車之後,佢就要座係我大脾一齊揸住個軚盤。真係兩歲人仔都未夠就想揸車,我諗遲啲大個咗佢一定鐘意玩小型賽車。去完睇花之後,我哋就去咗青之池,不過去到之後就覺得無乜特別,影咗一兩張相就走人去富良嘢嘅民宿。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]