北海道

「日本」

去日本咁多次都係同老婆一齊去,之前郭大少未出世嘅時候就去咗冲繩,老婆陀住佢嘅時候就去咗東京同富士山,之後佢出咗世就去咗次冲繩,九州。而同嚟位小朋友去旅行基本上要去一啲可以自駕遊嘅地方,因為最起碼佢玩完信瞓覺都可以係車入面瞓。當然而家去旅行比起之前佢細個嘅時候好好多,最起碼帶嘅嘢少咗,而每次佢都覺得啲嘢好新奇,樣樣嘢都好似好好玩咁。

「旅行」

今日一家大細終於出發去北海道!嚟個旅行其實係老婆好早已經安排咗,因為佢一直都好想去睇薰衣草田,而且我哋兩個都無去過北海道。原本係六月尾出發,之後因為怕啲薰衣草未開所以整個行程改遲咗兩個星期。希望我哋今次嘅旅程可以一嚐所願,睇到盛開嘅薰衣草田!最最最緊要嘅當然係要好天,事關今次係郭大少返學前嘅最後一個旅程,相信之後好難再話去旅行就去旅行。

「興奮」

由香港去北海道嘅機程係五個鐘頭,而郭大少一去到機場就已經好興奮。去到閘口見到啲飛機睇到唔捨得走,之後上到飛機就一直睇窗外面嘅飛機。當然要佢坐定定就好難,不過整體都還可以,事關今次係我哋飛得最遠嘅一次。落機之後我哋就去攞車,去到酒店之後放低行李就去食飯,因為實在太肚餓。一家人食完人生第一次嘅蟹宴之後,行咗陣街就返去酒店休息準備之後嘅旅程。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]