寫數據


個人分享
Tagged With: , , , , , , , , ,

「數據」

其實我係有諗過寫本書講數據分析,只不過邊度會有出版社會有興趣投資啲咁嘅題材,或者應該問邊個會睇我寫嘅嘢呢?其實係香港見過咁多公司同教咗書咁耐,當然係有得著,以至於點樣利用數據營運模式都真係好視乎間公司會唔會用數據。香港實在太多公司太過短視,而認真對待數據嘅都真係少之又少,所以如果遇到一啲認真對待數據嘅客戶,我哋都真係好開心。

「寫文」

好多朋友都有同我講過不如寫多啲同數據分析有關嘅嘢。其實我係有寫只不過唔係日日寫,有時自己又唔記得去將佢分類。不過有時真係唔知道可以寫啲乜嘢,因為有無可能用人哋嘅數據,事關有商業成份,而且好多時我哋都有保密協議,好多嘢唔講得。不如大家問我問題,之後我去解答或者好少少。當然有一啲通病可以同大家分享,其實數據分析係易學難精,唔係真係數學叻就得。

「題材」

如果真係要寫關於數據嘅題材,真係要由零開始,而且一定要講埋數碼營銷。因為真係遇到好多人連最基本嘅數據同知識都無,所以有時都有啲頭痛應該由邊度開始。與此同時要再講得深入啲就一定牽涉到程式層面,所以又係另一個大問題。不過凡事都可以有個開始,乜都試咗先,睇下有啲乜嘢反應再算。最起碼見到市場仍然有好大嘅空間同需求。都係不要問只要做,試咗先講!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]