課金啦


個人分享
Tagged With: , , , , , , , , ,

「打機」

當然今時今日打機都係上網打,而沉迷打機嘅年輕人真係有好多。要打造一隻可以令玩家不斷課金嘅遊戲其實係一件好難嘅事,因為好多遊戲都只係興一段好短嘅時間,真係可以話係壇花一現!當然點解要課金係一門學問,而好多遊戲開發商都係靠用家嘅數據去設定遊戲嘅難易度,令遊戲嘅壽命可以延長,甚至了解玩家嘅行為而用唔同嘅手法希望佢哋課金。

「課金」

唔知大家有無玩開手機遊戲,如果有玩嘅話就一定知道好多遊戲都先吸引咗您下載,話就話免費玩但係好多都有大量嘅廣告,要睇先至有得繼續玩。當然好多遊戲開始嘅時候都好容易,只不過如果你要一啲特別嘅功能,唔同嘅裝束,強大嘅武器,等等都係要你去課金。當然有好多遊戲嘅吸金力好強,但係點解會有咁多人願意用幾萬蚊去玩一隻遊戲?其實到而家我都真係唔明白!

「規管」

好多時我哋都會聽過啲人打機打到入醫院,有啲因為俾人偷武器就走去跳樓,有啲就用咗好多錢去玩隻遊戲。其實沉迷係任何嘢都唔係一件好事,而要用大量嘅金錢去玩一隻遊戲就更加唔值得。就算比你做到世界第一又如何?如果有一日無人玩隻遊戲,到最後你所有嘅錢就會化為烏有。而課金嚟個營運模式造成好多唔同嘅社會問題,真係遲早會受到政府嘅規管,不過規管係一件好事!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]