開數據


個人分享
Tagged With: , , , , , , , , ,

「公開」

其實係一個發達嘅國家,好多政府嘅數據係應該公開俾市民。當然有無人用或者點樣用唔係重點,而係好多公開數據係可以幫到唔同嘅行業。政府係有責任去推動同分享數據!如果將公開數據同公司營運嘅數據結合,其實係有好多唔同嘅分析可以做到。如果連政府都唔帶頭做嘅話,又點會推動到企業去做呢?有時就算我哋想花時間去做分析都無用,因為啲數據都唔知可以係邊到搵!

「數據」

係香港要搵公開數據真係一件好難嘅事,當然香港好多行業仲未重視數據就無得好講。只不過就算係好多人關心嘅金融同地產行業,其實啲數據都唔係好公開。就算某部份嘅數據係有發佈俾公眾,但係啲格式同內容都要經過整理之後先至有用。究竟香港幾時先至有一個系統性嘅數據系統?雖然而家政府有一個所謂嘅數據網站,但係要係入面搵到有用嘅數據都真係幾花時間。

「趨勢」

公開數據已經係世界嘅趨勢,而其實香港係有好多人關心開放數據。而如果將公開數據加以整理同分析,再用簡單嘅方法呈現俾市民,相信市民會更加容易理解一啲社會政策同問題。其實有某部份嘅媒體係會做類似嘅分析,但係相信背後佢哋所花費去整理數據一定大過分析數據。所以就算搵到數據都好,數據嘅格式同架構亦都好重要,如果唔係有數據就等同無數據。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]