創心態

「創業」< /h3>
好多人都希望有一條絕世好橋可以吸引唔同嘅投資者投資落自己間公司入面,但係世界上邊度有咁多絕世好橋呢?而最後條橋真係包生仔?正所謂紙上談兵,講就真係天下無敵,有時連件產品都未面世就已經胎死腹中,又或者當初諗得太過完美而脫離現實。當然有啲人透過不斷融資,不斷擴充,然後就已最高嘅價錢賣盤!不過嚟個真係一個真正創業者應有嘅態度嗎?

「心態」< /h3>
乜嘢係創業嘅心態?當然首先就係要量入而出,有一個穩健嘅營運模式。如果只係靠投資者嘅資金去營運嘅話,好多時都未賺錢就已經用晒所有資源。首先唔好一開始就要求華麗嘅辦公室,亦都唔需要添置花巧嘅設備。最低要求就係要盡快令公司收支平衡!如果連最基本嘅營運模式都無,一直只係講理念,講遠景,其實就等同廢話!過份包裝外表只係華而不實,倒不如實實在在做好基本功。

「市場」< /h3>
其實好多企業都應該有一個創業嘅心態,因為好多時不進則退!現今嘅營運環境好唔同,好多嘢都變得好快,如果甘於現狀嘅話,相信好快就會俾淘汰!創業除咗係為咗解決問題之外,另一個好實在嘅問題就係有無需求,而需求係唔係可以帶到相當嘅回報。當然有人話失敗得快係一件好事,因為每次嘅失敗係成功嘅開始!只不過唔係一定要失敗先至成功,因為堅持亦都係另外成功嘅關鍵!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]