二十年


個人分享
Tagged With: , , , , , , , , ,

「慶祝」

其實點解香港每年都要慶祝回歸?慶祝咗二十年點解仲要慶祝?要香港人記得同面對香港已經回歸中國嚟個事實?定係要年輕一代記住香港永遠都係中國?點解係五十年不變,唔係二十五年或者一百年不變?點都好,香港曾經係英國嘅殖民地嚟個係事實,香港係中國嘅其中一個城市亦都係事實。無人可以推翻歷史,只不過真係有必要每年都要慶祝回歸嗎?究竟要慶祝幾多年先至夠呢?

「回歸」

今日係香港回歸二十年,究竟香港係嚟二十年嚟有啲乜嘢改變?有啲人話變好,有啲人話變差,我雖然只係近年先至返嚟香港,但係過去七年嘅變化實在太大!香港對我嚟講真係越嚟越陌生,已經唔係自己熟悉嘅地方,因為香港唔再係香港,亦都唔係中國,感覺有啲兩頭唔到岸!社會嘅價值觀非常扭曲,好似好文明,科技好先進,其實只係得個殼。香港以前嘅優勢已經逐漸消失!

「廿年」

二十年嘅時間好快就過去,今時今日好多香港人嘅眼中真係窮只剩下錢!就算經過咗咁多風風浪浪,過去二十年基本上香港無進步過之餘反而退步咗好多。單單睇教育方面就已經足夠影響香港之後嘅幾十年!見到香港啲小朋友嘅質素越嚟越差真係唔知可以做啲乜,有時真係連最基本嘅公德都唔見埋。雖然最後我都應該會選擇離開,只不過作為一個香港人,為咗下一代點都要做啲嘢!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]