越節儉

「故事」

其實之前都有同好多人分享過類似嘅故仔。有一個窮人,佢好窮好窮,而有一日一個有錢人見到佢咁可憐就諗住幫佢致富。之後就送咗隻牛比佢,然後吩咐佢要好好開荒,等春天嚟到嘅時候就可以播種,咁到咗秋天嘅時候就可以脫離「窮」嚟個字!點知窮人就滿懷希望開始奮鬥,只不過咗幾日,隻牛要吃草,人要吃飯,日子比之前仲難過。窮人不斷賣嘢,只不過到最後佢諗致富係無希望,所以賣晒所有嘢去買一壺酒,飲晒落肚,咁就可以乜都唔使諗,悠哉悠哉!

「美德」

最近睇到一篇文章講「越慳越窮」,但係中國人嘅社會「慳」係一種美德。只不過點解會越慳越窮?就正如點解有啲人話打工無發達一樣,原因係大家只為求安穩,而唔敢打破呢一刻嘅安穩生活。正所謂有工返,有糧出,所有嘢都好好,點解要改變。亦正正就係呢個問題,好多人唔會有動力去賺取更多,所以如果只係追求安穩嘅人,往往只會越嚟越窮。而事實係加人工嘅幅度係真係追唔上物價嘅升幅!

「脫離」

如果唔想越做越窮嘅話,好多嘢都唔應該係一開始嘅時候就要計算得與失。就算今日真係有得著,無人會擔保之後會變成灰。要證明自己嘅價值唔係你話係就係,所有嘢都要靠自己嘅努力而換取返嚟。好多時啲年輕人會講,去大公司學嘢,只不過人哋請你返嚟唔係叫你去學嘢,所以自己係需要係工作以外嘅時間去不斷進修自己。要脫離貧窮,首先係要諗得通!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]