要跑數

「推銷」

我經常都講,要搵天生推銷員係一件好難嘅事。因為佢哋真係乜辦法都有去推銷佢哋嘅產品,而自問真係講嘢唔叻,口才亦唔了得,所以我一定唔係一個推銷員。不過就算唔係天生,但係都要識得去推銷,如果唔係點跑數。由其如果你自己創業同營運一間公司!因為真係手停口停,就算你件產品點樣好都無用,唔識推銷嘅話,就算件產品真係可以上天落地又點?始終都係賣唔出!

「跑數」

做任何生意其實都真係要跑數,因為跑數唔單止只係一個目標,而係要保障基本收入之餘仲可以有空間去發展。當然唔係個個人都鍾意跑數,但係不論你想唔想都好,只要你做到某個位,你就會發現自己或多或少都要跑數。所以無話係唔係天生嘅推銷員,而係就算你幾唔想都好,你會發現好多職位到最後都係會要你跑數。因此無人天生就係推銷員,只有勤唔勤力嘅推銷員!

「生意」

而家創業其實真係好容易,事關好多國家都大力推動創業市場。當中真係啲人只係為咗嗰啲所謂嘅創業基金而去創辦一間公司!不過,好多時嚟啲公司過咗一兩年之後,就連影都唔見!點解?因為啲資金唔多嘅關係,基本上好快就用晒所有錢,如果連數都唔去跑嘅話,真係等摺埋!唔通個個都話自己係老闆就唔使做咩?如果係認真做生意嘅話,跑數係必然,唔到你唔跑!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]