新班子

「團隊」

一個團隊要有效咁做到一啲成績俾人睇係要用人唯才,之前我哋嗰位候任特首林鄭月娥曾經講過佢嘅原則係要廣納賢能。所以好多人都係度等緊佢所謂嘅新政府,新管治係點。究竟三司十三局會係由邊個擔任,因為好多人都已經對今屆嘅政府有好多不滿。如果無乜嘢大嘅改變,基本上係今屆政府嘅延續版。要香港走出過去幾年嘅困局,相信都幾難。而今日終於揭曉佢所謂嘅新班子!

「政府」

今日林鄭月娥公佈咗新一屆政府嘅新班子!三司十三局嘅名單,老實講佢成鬼日話要搵啲有心有力,做實事嘅班子,但係點知三司繼續留任。三個司長都係俾人鬧爆咗嘅人,咁樣都叫做求變?真係睇唔到嚟個班子點為之廣納賢能?基本上大部份都係現屆政府嘅人。又即管睇吓你所謂嘅新管治方法有幾新,因為基本上如果係同一批人,做事嘅風格又點會無啦啦變呢?

「管治」

佢話被獲委任嘅主要官員都係有心,有力,有承擔!老實講真係非常之有保留!係就係熟悉政府嘅運作,但係都係睇唔出嚟個係一個實幹型嘅團隊。除非你話問題出自於梁振英,否則真係好難說服到香港人點解嚟個所謂嘅新班子係佢嘅管治下會做得更好。究竟嚟個係唔係佢心目中嘅名單,相信只有佢自己先至知道。因為三司十三局其實都需要得到中央政府嘅任命,所以其實佢係唔係無得揀?


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]