譚芷昀

「媒體」

近日好多媒體都喺度報導一位九歲香港小朋友係全美一叮嘅演出,但係大家係唔係太過善忘?其實嚟位小朋友之前曾經係好多唔同嘅場合演出過。如果我無記錯,我第一次睇到佢嘅新聞係前年佢係全英一叮,而再翻查紀錄佢最早嘅演出應該要追溯到佢五歲嘅時候。不過大家除咗將焦點放咗係嚟位小朋友之外,其實亦都放咗係佢爸爸身上。當中嘅原因大家自己去爬下文吧!

「報導」

香港媒體就係咁,經常過分消費。因為譚芷昀係全美一叮嘅演出,幾乎各大報紙雜誌都係社交媒體大肆報導嚟單新聞!除咗關於譚芷昀之外,好多亦都有報導佢爸爸譚順生。而家啲媒體真係為求收視,基本上將一條片轉載再轉載,然後加一條好吸睛嘅標題,基本上就會吸引大家嘅目光。再加上香港媒體鍾意報導人哋嘅其他新聞,我相信譚芷昀會被消費一段時間!

「消費」

先唔好理人哋爸爸係唔係消費緊自己個女,如果佢個女係有才華,而小朋友佢自己亦都鍾意唱歌同表演嘅話,其實係無乜問題。但係如果佢爸爸當自己個女係搖錢樹嘅話,咁就好有問題!不過一個小朋友搞到有自己嘅網頁,有自己嘅歌迷會,有經理人公司,講真係有啲誇張。至於點樣去睇譚爸爸?係媒體放大事件吸引目光,定係真係消費?咁我就留返比大家去定斷啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]