做艇仔

「禮貌」

好多時都會遇到一啲唔同行業嘅前輩,而做人就當然要有禮貌,見到面就自然去打個招呼。只不過有啲人就會覺得你過嚟打招呼係為咗打關係,為咗抓生意,事關你係一間細公司,係佢哋眼中只不過係俗稱嘅艇仔。通常自此之後我唔會再主動去打招呼!其實好多客戶都會直接搵我哋去合作,原因好簡單就係佢哋都知道就算俾大公司做,佢哋做唔嚟,到最後又係搵我哋!

「艇仔」

前兩日見到一位前輩講開艇仔,所以有感而發!香港真係一個好奇怪嘅地方,公司細唔代表係艇仔,細公司亦唔係一定靠大公司外判工作先至有飯開。傳統嘅觀念就係公司大就一定好,只不過而家好多人都會搵細公司做嘢,因為佢哋做出嚟嘅嘢唔比大公司差,分分鐘仲好!而最好笑嘅係我公司係一間顧問公司,但係對好多人嚟講只要你幫佢做嘢嘅就係服務供應商!真係暈低!

「尊重」

我之前都有講過,如果唔尊重我哋嘅專業,我嘅團隊,我會選擇唔同你合作。唔係錢唔錢嘅問題,而係連尊重别人咁基本嘅一樣嘢都唔識,真係無辦法合作。公司細唔代表做唔到嘢,後輩當然要尊重前輩,而唔係因為你係前輩就唔使尊重後輩。面真係人哋俾嘅,架亦都係自己丟,唔好以為自己大公司就大晒。衰啲講句每個行業都有興衰,唔好以為個個行埋嚟就係搵著數先至得架!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]