維度爾

「車手」

如果大家有睇開一級方程式就一定識得邊個係維度爾!一個連續四年獲得世界一級方程式冠軍嘅車手,又點會唔識?一位德國一級方程式賽車車手,目前效力於法拉利車隊。維度爾保持一級方程式最年輕嘅獲杆位嘅車手,總冠軍,衛冕總冠軍同四次獲得總冠軍車手嘅紀錄。當然而家嘅車壇仲有咸美頓,羅斯寶等嘅車手,而每一站都希望睇到佢哋一較高下!

「賽車」

真係好耐無睇一級方程式,但係唔睇由自可,一睇就真係覺得好精彩!而家賽車真係講數據,就連計算對手嘅資料都係賽事嘅一部份!雖然加拿大分站,維度爾最終以第四名過終點,但係之前個二十個圈都係第六第七名之間,為嘅就係做好最後幾個圈嘅準備。本來同前車嘅距離有成十幾秒,但係最後擊退前面嘅車隊。真係嘆為觀止!有時賽車唔係要贏先好睇,嚟啲戰略位先至精采!

「數據」

雖然因為數據真係無處不在,分析實時數據已經變成賽車賽事勝負嘅關鍵!雖然係咁,係加拿大站因為小意外維度爾嘅戰車係頭一圈嘅意外導致車頭嘅定風翼受損,影響戰車嘅效能!但係就算係咁,佢依然堅持去爭取上頒獎台嘅機會。最終以第四名完成賽事!依家佢同咸美頓嘅分數只有十二分之差,今季睇嚟又係一場龍爭虎鬥嘅賽事。無論你支持邊個都好,咁嘅賽季先至精采!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]