盡咗力

「成功」

要成功就要知道問題嘅根源,要改變唔係一朝一夕嘅事。有時就算無可能嘅嘢,只要盡力去做,或許有一日你可以將無可能嘅嘢變成有可能。一個人幾叻都好,如果唔盡力去做嘅話,其實都會失敗。但係如果盡全力去做嘅話,其實係會事半功倍。雖然有時結果係有可能強差人意,但係唔代表你失敗,最起碼自己盡咗力去做,對得住自己。唔試過你又點知結果係點?

「盡力」

有時成敗嘅關鍵係好在乎有冇盡自己嘅最大努力去完成,如果盡咗全力到最後都仍然失敗嘅話,其實都會心甘命抵!只不過好多時自己無盡力去完成件事嘅話,到時失敗咗就真係唔好怨天尤人。古語有云一分耕耘一分收穫,但係現實有時係要十分耕耘先至有一分收穫!而如果自己決定咗做某樣嘢但係又唔盡力去做嘅話,咁其實一開始就已經註定你失敗!

「問題」

其實自己知自己事,好多時自己都想做好多嘢,就係因為分心,所以無辦法做好所有嘢。舉例,如果你有十樣嘢同時間要做,而你將自己嘅力平均咁分十份,其實每樣嘢你只會俾到你十分一嘅力去處理。雖然你想樣樣嘢都做好,有時亦作出一啲取捨,但係點樣計都好,到最後就算所有嘢都可以順利成功完成,只不過你都會覺得自己無用盡全力做好,結果有可能係兩頭唔到岸!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]